रहीमपूर येथील प्रगतशील शेतकरी भिमाजी शिंदे यांचे निधन

संगमनेर । प्रतिनिधी । अमृतवाहिनी शेती व शिक्षण विकास संस्थेचे मुख्य कार्यकारी अधिकारी अनिल शिंदे यांचे मोठे बंधू व रहिमपूर येथील प्रगतशील शेतकरी भिमाजी बाबुराव शिंदे यांचे वृद्धापकाळाने निधन झाले आहे. मृत्यू समय त्यांचे वय 82 वर्षे होते.

रहिमपूर येथील प्रगतशील शेतकरी व लोकनेते बाळासाहेब थोरात यांचे खांदे समर्थक भिमाजी बाबुराव शिंदे यांनी सामाजिक व कृषी क्षेत्रामध्ये या परिसरामध्ये उल्लेखनीय काम केले. रहिमपूर गावच्या विविध संस्थांच्या उभारणीमध्ये त्यांचा मोठा वाटा राहिला. अमृतवाहिनी बँकेचे संचालक अण्णासाहेब शिंदे व अमृतवाहिनी शेती व शिक्षण विकास संस्थेचे मुख्य कार्यकारी अधिकारी अनिल शिंदे यांचे ते बंधू होते. त्यांच्या पश्चात मुलगा प्रा नवनाथ शिंदे, गोरक्षनाथ शिंदे ,तीन मुली, भाऊ सुना नातवंडे असा मोठा परिवार आहे. त्यांच्या निधनाबद्दल महाराष्ट्राचे वरिष्ठ नेते बाळासाहेब थोरात, माजी आमदार डॉ सुधीर तांबे, आमदार सत्यजित तांबे, इंद्रजीत भाऊ थोरात ,डॉ जयश्रीताई थोरात, सौ दुर्गाताई तांबे यांच्यासह परिसरातील ग्रामस्थ व नागरिकांनी शोक व्यक्त केला आहे.