छत्रपती शिवाजी महाराजांचा अश्वारूढ पुतळा संगमनेर बसस्थानकासमोरच- आमदार सत्यजीत तांबे
लोकनेते बाळासाहेब थोरात यांच्या पाठपुराव्यातून वर्षभरातच महाराजांचा पुतळा
छत्रपती शिवाजी महाराजांचा अश्वारूढ पुतळा संगमनेर बसस्थानकासमोरच- आमदार सत्यजीत तांबे
छत्रपती शिवाजी महाराजांचा अश्वारूढ पुतळा संगमनेर बसस्थानकासमोरच- आमदार सत्यजीत तांबे
लोकनेते बाळासाहेब थोरात यांच्या पाठपुराव्यातून वर्षभरातच महाराजांचा पुतळा
हिंदवी स्वराज्याचे संस्थापक छत्रपती शिवाजी महाराज यांना अभिवादन केल्यानंतर ते बोलत होते याप्रसंगी सोमेश्वर दिवटे, निखिल पापडेजा, किशोर पवार, सतीश आहेर, अंबादास आडेप, नितीन अभंग, यांच्यासह संगमनेर मधील विविध पदाधिकारी मोठ्या संख्येने हजर होते. यावेळी बोलताना आमदार सत्यजित तांबे म्हणाले की, लोकनेते बाळासाहेब थोरात यांच्या नेतृत्वाखाली संगमनेर तालुक्यात भव्य अश्वारूढ पुतळा येणाऱ्या वर्षभराच्या पूर्वीच उभा राहणार आहे. याकरता नगरपालिकेने बसस्थानकासमोरील जागा शासनाकडे मागितली. 3 जून 2019 रोजी वार्षिक सर्वसाधारण सभेने याबाबतचा ठराव केला आणि आपण तत्कालीन मुख्यमंत्री एकनाथ शिंदे यांच्याकडून 21 ऑगस्ट 2023 रोजी ही जागा एसटी महामंडळाकडून नगरपालिकेकडे हस्तांतरित करण्याची मागणी केली .यावर त्यांनी तात्काळ मंजुरी दिली.
बस स्थानकासमोर जागा नियोजित करण्यात आली असून एक कोटी रुपये निधीतून छत्रपती शिवाजी महाराज यांचा भव्य अश्वारूढ पुतळा होणार आहे. याचबरोबर पुतळ्याचा परिसर सुशोभित करण्यात येणार आहे संगमनेर शहर हे ऐतिहासिक शहर आहे. या शहरांमध्ये महाराजांच्या पूर्णाकृती अश्वारूढ पुतळ्या समवेतच भारतरत्न डॉ बाबासाहेब आंबेडकर यांचा पूर्णाकृती पुतळा उभा केला जाणार आहे. तसेच स्वातंत्र्यलढ्यात योगदान देणाऱ्या सर्व स्वातंत्र्यसैनिकांच्या स्मरणार्थ भव्य शहीद स्मारक करण्यात येणार आहे. याचबरोबर बस स्थानकासमोर दर्शनी जागेवर 100 फुटी तिरंगा ही उभा करण्यात येणार आहे.याकरता लोकनेते बाळासाहेब थोरात यांच्या मार्गदर्शनाखाली आपण सातत्याने महाराजांच्या अश्वारूढ पुतळ्यासाठी महाराष्ट्र सरकारकडे पाठपुरावा करत आहोत. सरकारकडून निधी मंजूर करून घेऊ किंवा नगरपालिकेच्या विविध योजनांच्या माध्यमातून निधी उभा करून या ठिकाणी महाराजांचा भव्य पुतळा उभा केला जाईल असे ते म्हणाले. तर मागील अनेक वर्षांपासून दरवर्षी बस स्थानकावर सकल मराठा समाजाच्या वतीने मोठ्या उत्साहाने शिवजयंती साजरी होते. यावर्षी नियमित शिवजयंती करणाऱ्या सकल मराठा समाजाच्या कार्यकर्त्यांना जाणूनबुजून दूर ठेवले गेले आहे. या कार्यकर्त्यांना शिवजयंती पासून दूर ठेवणे व महाराजांच्या जयंती उत्सवात सुद्धा राजकारण करणे हे अत्यंत दुर्दैवी असल्याचे ते म्हणाले.
छावा चित्रपट करमुक्त करावा
हिंदवी स्वराज्याचे संस्थापक छत्रपती शिवाजी महाराज यांच्या जयंती निमित्ताने धर्मवीर संभाजी महाराज यांच्या बलिदानाचा आणि शौर्याचा ज्वलंत इतिहास सांगणारा छावा हा चित्रपट महाराष्ट्रात करमुक्त करावा अशी मागणी आमदार सत्यजित तांबे यांनी महाराष्ट्र सरकारकडे केली असून याबाबत सकारात्मक निर्णय होऊन लवकरच हा चित्रपट करमुक्त करण्यात येणार आहे.
