कोळ नदीवरील बंधारा भरला नागरीकांनी जलपूजन करून मानले आ.आशुतोष काळेंचे आभार
कोळ नदीवरील बंधारा भरला नागरीकांनी जलपूजन करून मानले आ.आशुतोष काळेंचे आभार
कोळ नदीवरील बंधारा भरला नागरीकांनी जलपूजन करून मानले आ.आशुतोष काळेंचे आभार
कोपरगांव । प्रतिनिधी । कोपरगाव तालुक्याच्या पूर्व भागातील गोधेगाव-घोयेगाव, धोत्रा, आपेगाव, तळेगाव आदी गावातील शेतकऱ्यांसाठी वरदान असलेला गोधेगाव -घोयेगावच्या कोळ नदीवरील बंधारा गोदावरी डाव्या कालव्याच्या माध्यमातून भरला असून त्याबद्दल लाभार्थी गावातील शेतकऱ्यांनी व नागरीकांनी आ.आशुतोष काळे यांचे आभार मानून बंधाऱ्याच्या पाण्याचे विधिवत पूजन केले आहे.
चालू वर्षीच्या तीव्र उन्हामुळे भू-गर्भातील पाणी पातळी मोठ्या प्रमाणात खालावली आहे. कोपरगाव तालुक्याच्या पूर्व भागात देखील काही प्रमाणात पाणी टंचाई जाणवत असल्यामुळे नागरिकांच्या व जनावरांच्या पिण्याच्या पाण्याची टंचाई निर्माण झाली होती. त्यामुळे गोदावरी डाव्या कालव्याला सुरु असलेल्या उन्हाळी आवर्तनातून गोधेगाव-घोयेगावच्या कोळ नदीवरील बंधारा भरून मिळावा अशी मागणी गोधेगाव, घोयेगाव, धोत्रा, आपेगाव, तळेगाव आदी गावातील शेतकऱ्यांनी व नागरीकांनी आ.आशुतोष काळे यांचेकडे केली होती. त्या मागणीची दखल घेवून आ.आशुतोष काळे यांनी पाटबंधारे विभागाच्या अधिकाऱ्यांना त्याबाबत सूचना करून डाव्या कालव्यातून गोधेगाव-घोयेगावच्या कोळ नदीवरील बंधाऱ्यात पाणी सोडण्याच्या सूचना केल्या होत्या. त्या सूचनेनुसार कोळ नदीवरील बंधाऱ्यात पाणी सोडण्यात आले असून हा बंधारा रविवार (दि.१८) रोजी पूर्ण क्षमतेने भरला आहे. त्याचा फायदा गोधेगाव-घोयेगाव, धोत्रा, आपेगाव, तळेगाव या गावातील ग्रामपंचायत विहिरी, शेतकऱ्यांना होणार असून भू-गर्भातील पाणी पातळी वाढण्यास मोठी मदत होणार आहे. या बंधाऱ्याच्या पाण्याचे गोधेगाव, घोयेगाव, धोत्रा, आपेगाव, तळेगाव आदी गावातील शेतकऱ्यांनी व नागरीकांनी रविवार रोजी पूजन केले आहे. आ. आशुतोष काळे यांच्या मुळे २०१९ पासून सातत्याने गोधेगाव-घोयेगावच्या कोळ नदीवरील बंधारा भरत आहे. याहीवर्षी हा बंधारा भरल्यामुळे शेतकरी व नागरीकांमध्ये आनंदाचे वातावरण पसरले असून पूर्व भागातील गोधेगाव-घोयेगाव, धोत्रा, आपेगाव, तळेगाव आदी गावातील शेतकऱ्यांनी व नागरीकांनी आ.आशुतोष काळे यांचे आभार मानले आहे.
