उजव्या कालव्याचे कामही तातडीने करून पाणी सोडा- आ थोरात

उजवा कालवा ही त्वरित पूर्ण करा – आमदार थोरात

उत्तर अहमदनगर जिल्ह्यात कमी पावसामुळे दुष्काळी परिस्थिती निर्माण झाली असून भंडारदरा व निळवंडे धरण पूर्ण क्षमतेने भरले असून डाव्या कालव्यातून तातडीने पाणी सोडावे ही आपली सातत्याने मागणी राहिली आहे. याचबरोबर उजवा कालवा ही तातडीने पूर्ण झाला पाहिजे. अकोले तालुक्यातील शेतकरी, नागरिक यांनी कालव्यांच्या कामासाठी कायम मोठे सहकार्य केले आहे .त्यांना विश्वासात घेतले पाहिजे.. उजव्या कालव्याचे काम लवकरात लवकर पुर्ण करून टेस्टिंग करून  सर्व गावांनाही त्वरित पाणी द्यावे अशी मागणी ही धरणाचे निर्माते आमदार बाळासाहेब थोरात यांनी केली आहे.