ऑस्ट्रेलियन प्रथम श्रेणी महिला क्रिकेटपटूंचा स्थानिक खेळाडूंबरोबर प्रदर्शनीय सामना

ऑस्ट्रेलियन प्रथम श्रेणी महिला क्रिकेटपटूंचा स्थानिक खेळाडूंबरोबर प्रदर्शनीय सामना

रविवारी या ऑस्ट्रेलियाच्या प्रथम श्रेणी क्रिकेटमधील सर्व महिला खेळाडू क्रिकेट किट मध्ये स्थानिक महिला खेळाडूंबरोबर प्रदर्शनीय सामना खेळणार आहेत .  यामध्ये दोन्ही संघांमध्ये प्रत्येकी ऑस्ट्रेलियाच्या पाच व स्थानिक सहा खेळाडूंचा समावेश राहणार आहे. हा सामना केवळ खेळापुरता मर्यादित न राहता स्थानिक खेळाडूंना आंतरराष्ट्रीय दर्जाच्या संघांसोबत खेळण्याचा अनुभव मिळावा यासाठी आयोजित केला आहे.

यावेळी प्रदर्शनीय सामन्यानंतर सायंकाळी 5 वा. लोकनेते बाळासाहेब थोरात, मा आ डॉ सुधीर तांबे, आमदार सत्यजित तांबे, डॉ. जयश्रीताई थोरात व मान्यवरांच्या उपस्थितीमध्ये सर्व ऑस्ट्रेलियन महिला क्रिकेटपटूंचा सन्मान सत्कार संगमनेरकरांच्या वतीने करण्यात येणार आहे. तरी हा ऑस्ट्रेलियन प्रथम श्रेणी महिला क्रिकेटपटूंचा सामना पाहण्याकरता संगमनेर मधील सर्व महिला व युवक क्रीडाप्रेमींनी सहकार महर्षी भाऊसाहेब थोरात क्रीडा संकुल येथे उपस्थित रहावे असे आवाहन क्रिकेट असोसिएशन ऑफ संगमनेर जय हिंद लोक चळवळ यांच्या वतीने करण्यात आले आहे