आज जवळके धोंडेवाडीत होणार शिवव्याख्याते नितीन बानगुडे पाटील यांचे व्याख्यान

आज जवळके धोंडेवाडीत होणार शिवव्याख्याते नितीन बानगुडे पाटील यांचे व्याख्यान

कोपरगांव । विनोद जवरे ।

ज्ञानदीप संस्कारम् फाउंडेशन धोंडेवाडी यांच्या तिसऱ्या वर्धापन दिनानिमित्त ग्रामीण भागातील विद्यार्थ्यांना शिक्षणाच्या प्रवाहात आणण्यासाठी विद्यार्थ्यांच्या वर्तमान आणि भविष्यकाळ दोन्हीही उज्वल करण्यासाठी तसेच शिक्षणाविषयी जनजागृती करण्यासाठी ग्रामीण भागात प्रथमच प्रसिद्ध शिवव्याख्याते प्राध्यापक नितीन बानगुडे पाटील यांचे शैक्षणिक व्याख्यान दिनांक 16 जानेवारी रोजी शेतकरी माध्यमिक विद्यालय धोंडेवाडी जवळके येथे आयोजित केले आहे

फाउंडेशन तर्फे उभारण्यात आलेल्या संगणक कक्ष,ग्रंथालय व वाचनालय यांचा उद्घाटन समारंभ तसेच गुणवंत विद्यार्थ्यांचा विविध खेळांमध्ये विशेष प्राविण्य मिळालेल्या खेळाडू यांचा प्राणित मिळवलेल्या खेळाडूंचा पारितोषिक वितरण सोहळा पार पडणार आहे. विद्यार्थ्यांचे भविष्यातील संधी विद्यार्थ्यांना येणारे अडचणी विद्यार्थी पालक शिक्षक यांच्यातील सामंजस्य तसेच कोरोना काळात विद्यार्थ्यांचे झालेले शैक्षणिक नुकसान भरून काढण्यासाठी उपाययोजना अशा विविध विषयावर प्रकाश टाकला जाईल अशी माहिती फाउंडेशनचे उपाध्यक्ष आरोग्यदूत बाळासाहेब गव्हाणे यांनी दिली.

गेल्या तीन वर्षात फाउंडेशन तर्फे विविध उपक्रम राबविले असून त्यामध्ये संस्कारम् शैक्षणिक दत्तक योजना, फुटपाथ रात्र शाळा,माझं गाव माझी शाळा, रक्तदान शिबिर,मोफत नेत्र शिबीर, उच्चशिक्षणासाठी विद्यार्थ्यांना प्रोत्साहन आणि मदत विद्यार्थ्यांसाठी व्यवसाय मार्ग शिबीर अशी विविध उपक्रम राबविण्यात आले आहेत अशी माहिती फाउंडेशनची अध्यक्ष अनिल दरेकर यांनी दिली. शिवव्याख्याते बानगुडे पाटील यांच्या व्याख्यानाचा परिसरातील नागरिकांनी व विद्यार्थिनी लाभ घ्यावा असे आवाहन बाळासाहेब गव्हाणे यांनी केली आहे