भारतीय संस्कृतीत शिवरात्रीचे मोठे महत्त्व- बाळासाहेब थोरात

यावेळी लोकनेते बाळासाहेब थोरात यांच्या हस्ते खांडगाव येथे सहकार महर्षी भाऊसाहेब थोरात अमृतवाहिनी सहकारी बँकेच्या वतीने डिजिटल दानपेटीचा शुभारंभ करण्यात आला तर रामेश्वर देवस्थान येथे लोकनेते बाळासाहेब थोरात यांच्या पाठपुराव्यातून मिळालेल्या दहा लाख रुपये निधीतून विविध विकास कामांचा शुभारंभ करण्यात आला.

याप्रसंगी बोलताना माजी मंत्री बाळासाहेब थोरात म्हणाले की, प्रयागराज मध्ये मोठा महा कुंभ सुरू आहे. महाराष्ट्रातील लाखो भाविक या ठिकाणी जाऊन अध्यात्मिक ऊर्जा घेऊन आले आहेत. महाशिवरात्रीच्या निमित्ताने संपूर्ण महाराष्ट्रात मोठा आध्यात्मिक उत्सव असून यामधून प्रत्येकाला ऊर्जा आणि अध्यात्मिक उन्नती मिळते . शिवरात्रीच्या दिवशी शिवाचे प्रकट स्वरूप प्राप्त होत असल्याने मानवातील विकार नष्ट करून सत्य, निष्ठा ,आणि संयम हे अधिक मजबूत करण्यासाठी प्रत्येकाला शक्ती मिळत असते. या निमित्ताने महाराष्ट्रातील तमाम नागरिक युवक व महिला यांना निरोगी आयुष्य मिळावे अशी प्रार्थना ही लोकनेते बाळासाहेब थोरात यांनी केली.