के. बी. रोहमारे कनिष्ठ महाविद्यालयात आरोग्य तपासणी शिबिर संपन्न
के. बी. रोहमारे कनिष्ठ महाविद्यालयात आरोग्य तपासणी शिबिर संपन्न
कोपरगांव । प्रतिनिधी । के. बी. रोहमारे कनिष्ठ महाविद्यालय, कोपरगाव येथे सर्व विद्यार्थी, प्राध्यापक व प्राध्यापकेतर कर्मचारी यांची आरोग्य तपासणी करण्यात आली. याप्रसंगी कोपरगाव ग्रामीण रुग्णालय येथील डॉ. पालवे, आरोग्य निरीक्षक श्री. एस. ए. जोशी हे मान्यवर उपस्थित होते. कार्यक्रमाच्या अध्यक्षस्थानी महाविद्यालयाचे प्राचार्य डॉ. विजय ठाणगे होते. याप्रसंगी महाविद्यालयाचे उपप्राचार्य प्रा. बाळासाहेब सोनवणे, प्रा. संदीप जगझाप, प्रा . दीपक बुधवंत, प्रा. मिलिंद कांबळे, प्रा. अभिजित वाघ आदी मान्यवर उपस्थित होते.
के. बी. रोहमारे कनिष्ठ महाविद्यालयात आरोग्य तपासणी शिबिर संपन्न
कार्यक्रमाचे प्रास्ताविक प्रा. जगझाप यांनी केले. यावेळी विद्यार्थ्यांशी हितगुज करताना डॉ. पालवे यांनी आरोग्य तपासणीचे महत्त्व सांगितले. आरोग्य निरीक्षक जोशी यांनी डेंग्यू, हिवताप, मलेरिया आणि तत्सम आजारांबाबत सखोल मार्गदर्शन केले. हे आजार पसरण्याचे कारणे, डासांचे वाढते प्रमाण, त्यामुळे आरोग्यावर होणारे परिणाम हे ही त्यांनी सांगितले. हे आजार होऊ नये म्हणून काय उपाययोजना करावी, डासांचे वाढते प्रमाण कसे रोखावे, कोरडा दिवस कसा पाळावा याबाबत त्यांनी महत्त्वाच्या सूचना दिल्या.
यावेळी सर्व विद्यार्थी, प्राध्यापक व प्राध्यापकेतर कर्मचारी यांची उंची, वजन, हिमोग्लोबिन पातळी व रक्तदाब यांची तपासणी करण्यात आली. उपस्थितांचे आभार प्रा. दीपक बुधवंत यांनी मानले तर सूत्रसंचालन प्रा. जावेद शाह यांनी केले. शिबिर यशस्वी होण्यासाठी प्रा. मयुरी भोसले, प्रा. सायली वायखिंडे, प्रा. अमोल वर्पे यांनी विशेष परिश्रम घेतले.
