महिला व नागरिकांच्या तात्काळ सुरक्षेसाठी नगरपरिषदेचे रक्षक दल

संगमनेर शहरातील महिला मुली व नागरिकांच्या सुरक्षेसाठी पोलीस यंत्रणेबरोबरच नगरपरिषदेने तात्काळ सुरक्षा मिळावी याकरता आमदार सत्यजित तांबे यांच्या संकल्पनेतून राज्यात प्रथमच रक्षक दल स्थापन केले आहे. कुठे काही अनुचित घटना घडल्यानंतर तात्काळ 9067273273 या नंबर वर संपर्क केल्यास रक्षक दल उपस्थित राहणार आहेत. यामुळे गैरवर्तन करणाऱ्यांना मोठी चपराक मिळणार आहे. आयडीबीआय बँकेच्या वतीने नगर परिषदे करता चार चाकी वाहन व दोन बुलेट गाडी दिली असून या माध्यमातून हे जवान तात्काळ उपस्थित राहणार आहेत.याप्रसंगी बोलताना आमदार तांबे म्हणाले की महाराष्ट्रात प्रथमच ही अभिनव संकल्पना राबविण्यात आली असून हा छत्रपती शिवाजी महाराजांचा महाराष्ट्र आहे. महिलांचा सन्मान आणि नागरिकांना सुरक्षा हे प्रत्येकाचे मूलभूत कर्तव्य असून पोलीस यंत्रणे बरोबरच हे रक्षक दल त्वरित सुरक्षेसाठी सेवा देणार आहेत .यावेळी नगराध्यक्ष डॉ मैथिलीताई तांबे म्हणाल्या की संगमनेर नगर परिषदेच्या सर्व कामांमध्ये नागरिकांचा मोठा सहभाग असून नागरिकांच्या सुरक्षेला सर्वोच्च प्राधान्य देत ही अभिनव संकल्पना राबवण्यात आली आहे याचबरोबर विविध विकास कामांमधून संगमनेर हे सर्वांना सोबत घेऊन आणखी पुढे घेऊन जाण्यासाठी आपला प्रयत्न असणार आहे असे त्या म्हणाल्या.. सूत्रसंचालन सरोजना पगडाल यांनी केले तर सीमाताई खटाटे यांनी आभार मानले. यावेळी संगमनेर शहरातील विविध पक्षांचे पदाधिकारी कार्यकर्ते नागरिक व महिला मोठ्या संख्येने उपस्थित होते.