टंचाईग्रस्त गावांना मोठा दिलासा! भंडारदरा आणि निळवंडेतून उद्यापासून पाणी आवर्तन सुरू; विखे पाटलांचा महत्त्वपूर्ण निर्णय
टंचाईग्रस्त गावांना मोठा दिलासा! भंडारदरा आणि निळवंडेतून उद्यापासून पाणी आवर्तन सुरू; विखे पाटलांचा महत्त्वपूर्ण निर्णय
टंचाईग्रस्त गावांना मोठा दिलासा! भंडारदरा आणि निळवंडेतून उद्यापासून पाणी आवर्तन सुरू; विखे पाटलांचा महत्त्वपूर्ण निर्णय
लोणी । प्रतिनिधी । टंचाई परीस्थीतीच्या पार्श्वभूमीवर भंडरदारा धरणातून बिगरसिंचनाचे आणि निळवंडे धरणातून सिंचनाचे आवर्तन रविवार दिनांक १५ नोव्हेंबर पासून सुरू करण्याच्या सूचना जलसंपदा तथा पालक मंत्री ना.राधाकृष्ण विखे पाटील यांनी दिल्या.मागील काही दिवसांपासून भंडारदरा धरणातून पाणी सोडण्याची मागणी मोठ्या प्रमाणात होत होती.लोकप्रतिनीधी तसेच ग्रामस्थ शेतकरी यांच्या शिष्टमंशिष्टमंडळाने मंत्री विखे पाटील यांची भेट घेवून नदीकाठच्या गावांमध्ये निर्माण झालेली पाणी टंचाई विचारात घेवून आवर्तन सोडण्यची विनंती केली होती.मंत्री विखे पाटील यांनी जलसंपदा विभागाच्या अधिकाऱ्यांची लोणी येथे बैठक घेवून भंडारदरा आणि निळवंडे धरणातील उपलब्ध पाण्याचा साठा तसेच भविष्यातील नियोजन याची सविस्तर माहीती जाणून घेतली.सद्यस्थितीत पाण्यची मागणी वाढल्याने आवर्तनाचे नियोजन करावे आशा सूचना त्यांनी विभागाच्या अधिकाऱ्यांना दिल्या.भंडारदरा धरणातून रविवार दि.१५नोव्हेंबर पासून बिगरसिंचन आवर्तन सोडण्यात येणार असून,नदीकाठच्या गावांसह श्रीरामपूर शहराला या आवर्तनाचा मोठा दिलासा मिळणार आहे.अन्य तालुक्य्यातील पाणी पुरवठा योजनांना याचा लाभ होईल असे नियोजन करण्याचे निर्देश मंत्री विखे पाटील यांनी दिले.निळवंडे धरणातून दि.१५नोव्हेबर पासून सिंचनाचे आवर्तन सोडण्याचा महत्वपूर्ण निर्णय घेण्यात आला असून,डावा आणि उजव्या कालव्यांच्या कार्यक्षेत्रातील पिकांना या आवर्तनाचा लाभ होईल गावांमधील पिण्याच्या पाण्याची टंचाई काहीप्रमाण दूर होईल.दोन्ही धरणातून सुरू होणार्या आवर्तनाचे नियोजन अधिकार्यांनी अतिशय संवेदनशीलपणे करावे. पाण्याचा अपव्यय होणार नाही याची दक्षता घेण्याचे निर्देश मंत्री विखे पाटील यांनी दिले आहेत.
