आ. आशुतोष काळेंच्या ३० लाखांच्या निधीतून उर्दू शाळेच्या ६ वर्गखोल्यांचे लवकरच होणार काम सुरु -हाजी मेहमूद सय्यद
आ. आशुतोष काळेंच्या ३० लाखांच्या निधीतून उर्दू शाळेच्या ६ वर्गखोल्यांचे लवकरच होणार काम सुरु -हाजी मेहमूद सय्यद
आ. आशुतोष काळेंच्या ३० लाखांच्या निधीतून उर्दू शाळेच्या ६ वर्गखोल्यांचे लवकरच होणार काम सुरु -हाजी मेहमूद सय्यद
कोपरगांव । प्रतिनिधी । कोपरगाव उर्दू हायस्कूलमधील विद्यार्थ्यांची वर्गखोल्यांची समस्या कायमची दूर करण्यासाठी आ.आशुतोष काळे यांनी उपलब्ध करून दिलेल्या ३० लाख रुपयांच्या निधीतून सहा नवीन वर्गखोल्या व शिक्षकांसाठी स्टाफ रूमचे बांधकाम लवकरच सुरु होणार असून राष्ट्रवादी काँग्रेसचे नगरसेवक हाजी मेहमूद सय्यद यांनी सहकाऱ्यांसमवेत होणाऱ्या वर्गखोल्यांच्या जागेची पाहणी केली.
उर्दू हायस्कूलमध्ये वर्गखोल्यांची कमतरता असल्याने विद्यार्थी व शिक्षकांना अडचणींचा सामना करावा लागत होता. ही समस्या लक्षात घेऊन आ.आशुतोष काळे यांनी निधी उपलब्ध करून दिल्याने आता विद्यार्थ्यांना प्रशस्त वर्गखोल्या आणि अधिक चांगल्या शैक्षणिक सुविधा मिळणार आहेत. नवीन वर्गखोल्यांमुळे विद्यार्थ्यांच्या शैक्षणिक प्रगतीला चालना मिळणार आहे त्याबद्दल मुस्लीम समाज बांधवांनी समाधान व्यक्त केले. यावेळी नगरसेवक हाजी मेहमूद सय्यद म्हणाले की, शिक्षणाच्या पायाभूत सुविधांना प्राधान्य देण्याची काळे परिवाराची परंपरा यामुळे पुन्हा अधोरेखित झाली आहे. यापूर्वी स्व. कर्मवीर शंकररावजी काळे यांनीही उर्दू हायस्कूलच्या वर्गखोल्यांसाठी निधी उपलब्ध करून दिला होता. तसेच माजी आमदार अशोकराव काळे यांनी देखील मुस्लिम समाजाच्या मागणीनुसार वेळोवेळी निधी दिला होता. ही परंपरा आमदार आशुतोष काळे पुढे चालवत आहेत.त्यांनी विद्यार्थ्यांचे शैक्षणिक भवितव्य उज्वल करण्यासाठी आवश्यक सुविधा निर्माण करण्याच्या केलेल्या प्रयत्नांचे पालक व नागरिकांकडून स्वागत होत आहे. आजच्या स्पर्धात्मक युगात शिक्षणाला अनन्यसाधारण महत्त्व आहे. विद्यार्थ्यांनी उपलब्ध होणाऱ्या या सुविधांचा उपयोग करून मनापासून अभ्यास करावा, उच्च शिक्षण घ्यावे आणि आपल्या आई-वडिलांसह कोपरगावचे नाव उज्ज्वल करावे. आ. आशुतोष काळे यांनी कोपरगाव मतदार संघातील मदरसा, कब्रस्तान, संरक्षण भिंत, कब्रस्तान सुशोभीकरण आणि नवीन कब्रस्तान यांसह मुस्लिम समाजाच्या विविध मूलभूत प्रश्नांकडेही गांभीर्याने लक्ष देऊन निधी उपलब्ध करून दिला आहे. अनेक प्रलंबित प्रश्न मार्गी लावण्यासाठी त्यांनी केलेल्या प्रयत्नांबद्दल मुस्लिम समाजाच्या वतीने त्यांनी आ.आशुतोष काळे यांचे आभार मानले व यापुढेही मुस्लिम समाज आमदार आशुतोष काळे यांच्या पाठीशी खंबीरपणे उभा राहणार असल्याचे त्यांनी सांगितले. यावेळी मुस्लिम समाजबांधव, राष्ट्रवादी काँग्रेसचे पदाधिकारी व कार्यकर्ते, शिक्षक आणि विद्यार्थी मोठ्या संख्येने उपस्थित होते.
