ब्रेकिंग
वय २३ महिने, स्टाइल मात्र सेलिब्रिटींना टक्कर देणारी! रुद्रांश बनला सोशल मीडियाचा स्टार!
वय २३ महिने, स्टाइल मात्र सेलिब्रिटींना टक्कर देणारी! रुद्रांश बनला सोशल मीडियाचा स्टार!
वय २३ महिने, स्टाइल मात्र सेलिब्रिटींना टक्कर देणारी! रुद्रांश बनला सोशल मीडियाचा स्टार!
कोपरगाव । विनोद जवरे । सोशल मीडियाच्या जगात कधी कोण आणि कशामुळे प्रसिद्ध होईल, याचा नेम नसतो. एखाद्याची हटके स्टाइल, आत्मविश्वासपूर्ण वावर किंवा निरागस अंदाजही लाखो लोकांचे लक्ष वेधून घेतो. याचाच प्रत्यय सध्या अवघ्या २३ महिन्यांच्या रुद्रांश ठाकूर या चिमुकल्याच्या व्हायरल व्हिडिओमुळे येत आहे. आपल्या हटके स्टाइल आणि रुबाबदार अंदाजाने या चिमुकल्याने सोशल मीडियावर अक्षरशः धुमाकूळ घातला आहे.
चिमुकल्या रुद्रांशचा सोशल मीडियावर धुमाकूळ!
अवघे २३ महिन्यांचे वय असलेल्या रुद्रांश ठाकूर याचा होंडा शोरूममधील व्हिडिओ सध्या सोशल मीडियावर प्रचंड व्हायरल होत आहे. गॉगल, सस्पेंडर, आकर्षक पोशाख आणि दोन्ही हात खिशात घालून दिलेली रुबाबदार पोझ नेटकऱ्यांच्या पसंतीस उतरली आहे. त्याच्या या हटके अंदाजाला कुणी ‘छोटा डॉन’, तर कुणी ‘होंडा कंपनीचा नवीन चेअरमन’ अशी मजेशीर उपाधी देत आहे. एवढ्याशा वयात त्याचा आत्मविश्वास आणि स्टाइल पाहून नेटकरीही कौतुकाचा वर्षाव करत आहेत. सध्या रुद्रांशच्या या व्हिडिओची सोशल मीडियावर जोरदार चर्चा रंगली आहे.
रुद्रांश हा आपल्या कुटुंबीयांसोबत नवीन होंडा स्कूटरची डिलिव्हरी घेण्यासाठी होंडा शोरूममध्ये गेला होता. यावेळी शोरूममध्ये सजवलेल्या नव्या स्कूटरसमोर त्याने दिलेल्या पोझने सर्वांचे लक्ष वेधून घेतले. डोळ्यांवर गॉगल, अंगात आकर्षक कपडे, खांद्यावर सस्पेंडर आणि दोन्ही हात खिशात घालून उभा असलेला रुद्रांश पाहून उपस्थितांनाही त्याचे कौतुक वाटल्याशिवाय राहिले नाही.
विशेष म्हणजे, एवढ्या कमी वयात त्याचा आत्मविश्वास आणि कॅमेऱ्यासमोरचा सहज वावर पाहून अनेकजण आश्चर्यचकित झाले आहेत. त्याचा हा व्हिडिओ सोशल मीडियावर मोठ्या प्रमाणात व्हायरल झाला असून लोकसेवाय मराठी (LS Marathi) यासह विविध सोशल मीडिया प्लॅटफॉर्मवर त्याची चर्चा रंगली आहे.
‘छोटा डॉन’ नावाने सोशल मीडियावर चर्चा!
रुद्रांशच्या हटके लूकला नेटकऱ्यांनी भन्नाट प्रतिक्रिया दिल्या आहेत. त्याच्या रुबाबदार अंदाजामुळे काहींनी त्याला ‘छोटा डॉन’, तर काहींनी गंमतीने ‘होंडा कंपनीचा नवीन चेअरमन’ अशी उपाधी दिली आहे. त्याच्या निरागस चेहऱ्यावरचा आत्मविश्वास, गॉगलमधील लूक आणि हात खिशात घालून उभे राहण्याची स्टाइल अनेकांच्या पसंतीस उतरली आहे. अवघ्या २३ महिन्यांच्या या चिमुकल्याने कोणतेही मोठे कृत्य न करता केवळ आपल्या निरागस आणि हटके अंदाजाने सोशल मीडियावर आपली वेगळी ओळख निर्माण केली आहे. मोठ्या सेलिब्रिटींच्या व्हिडिओंप्रमाणेच एका चिमुकल्याच्या या व्हिडिओचीही चर्चा होत असल्याने रुद्रांश सध्या सोशल मीडियावरील आकर्षणाचा केंद्रबिंदू ठरत आहे.
लहान वय, निरागस चेहरा आणि मोठ्या माणसांनाही लाजवेल असा रुबाब! रुद्रांशचा हा अंदाज पाहून नेटकरीही म्हणत आहेत, ‘वय फक्त २३ महिने, पण रुबाब मात्र एकदम बॉससारखा!’
