जयहिंदच्या वतीने 18 व 19 जाने. रोजी अमेझिंग किड्स ऑफ इंडियाचे आयोजन

लहान मुलांसाठी कला व क्रीडा स्पर्धा होणार

संगमनेर (प्रतिनिधी) – लहान मुलांच्या कला व क्रीडा गुणांना वाव देण्यासाठी जयहिंद लोकचळवळीच्या वतीने संस्थापक डॉ. सुधीर तांबे यांच्या वाढदिवसानिमित्त 18 व 19 जानेवारी 2025 रोजी भव्य अमेझिंग किड्स स्पर्धेचे आयोजन करण्यात आले असून यामध्ये रोलर स्केटिंग नृत्य संगीत अशा विविध स्पर्धा होणार असल्याची माहिती प्रकल्प प्रमुख मिलिंद औटी  यांनी दिली आहे.या स्पर्धेबाबत अधिक माहिती देताना ते म्हणाले की जय हिंद लोक चळवळीच्या वतीने लहान मुलांच्या विकासाकरता माजी शिक्षण मंत्री बाळासाहेब थोरात व माजी आमदार डॉ सुधीर तांबे यांच्या मार्गदर्शनाखाली सातत्याने विविध उपक्रम राबवले जात आहेत. यामुळे संगमनेर तालुका हा उच्च शैक्षणिक केंद्राबरोबर उपक्रमशील तालुका म्हणून ओळखला जातो. शनिवार दिनांक 18 व 19 जानेवारी 2025 रोजी सकाळी 10 ते 5 या वेळेत लहान मुलांच्या विविध स्पर्धा होणार आहेत यामध्ये ॲथलेटिक ड्रॉइंग म्युझिक स्केचिंग डान्स अशा विविध प्रकारच्या स्पर्धा आहेत याचबरोबर पंधरा वर्षापासून पुढे मुलांच्या शारीरिक व कलात्मक कौशल्य विकसित करण्यासाठी विविध उपक्रमांचे आयोजन केले आहे.

या स्पर्धेचे उद्घाटन माजी मंत्री बाळासाहेब थोरात माजी आमदार डॉ. सुधीर तांबे ,आमदार सत्यजित तांबे, सौ दुर्गाताई तांबे ,डॉ .जयश्रीताई थोरात यांच्या उपस्थितीमध्ये शनिवारी सकाळी 11 वाजता होणार आहे. तरी या स्पर्धेमध्ये विविध शाळेच्या विद्यार्थ्यांना विनामूल्य प्रवेश असून जास्तीत जास्त विद्यार्थ्यांनी सहभाग घ्यावा यासाठी पालकांनी ही पुढाकार घ्यावा असे आवाहन जय हिंद लोक चळवळीच्या स्पोर्ट्स कमिटीच्या वतीने करण्यात आले आहे.