यशोधन कार्यालयाकडूनच 12 हजार असंघटित कामगारांना नोंदणी सह सर्व मदत

तळेगाव विभागातून ज्ञानेश्वर मुंगसे यांनी दिलेल्या प्रसिद्धी पत्रकात म्हटले आहे की, 2022 – 23 पासून असंघटित कामगार संघटनेच्या माध्यमातून लोकनेते बाळासाहेब थोरात यांच्या मार्गदर्शनाखाली व इंद्रजीत भाऊ थोरात आणि डॉ.जयश्रीताई थोरात यांच्या नेतृत्वात यशोधन कार्यालयाने गावागावातील गोरगरिबांना सुविधा मिळवून दिल्या. हे सर्वांना माहित आहे. ज्यांना योजना माहीत नव्हत्या त्यांना योजनांचा लाभ मिळवून दिल्या. त्यांच्या लेकरा बाळांना शिष्यवृत्तीसाठी मदत केली. आजारपणात मदत केली. दररोज यशोधन कार्यालयात 6 कर्मचारी या गोरगरीब कामगारांना फॉर्म भरण्यासाठी सेवा करत आहेत.मात्र सध्याचे नवीन लोकप्रतिनिधी ज्यांना ही योजना सुद्धा माहिती नाही त्यांनी फोटो काढून खोटी प्रसिद्धी केली आहे. हे अत्यंत चुकीची आहे. तुम्ही काम करा आणि मग फोटो टाका. गोरगरिबांच्या नावाखाली राजकारण करू नका. आयत्या पिठावर रेगोटे मारण्याचे बंद करा. तुमचे एक काम दाखवा आणि फोटो काढा.

आम्ही गरीब असंघटित आहोत. स्वाभिमानी आहोत. आम्हाला राजकारणाशी घेणं देणं नाही. ज्यानं काम केलं त्यांनी केलं असा मी ठामपणे म्हणतो. नवीन लोकप्रतिनिधी अमोल खताळ किंवा त्यांच्या पत्नी यांचा काहीही संबंध नाही. सत्ता तुमची आली म्हणजे फोटो लावायचे आणि बॉक्स वाटायचे पण तुम्ही फॉर्म भरले नाही मग त्यांचे फोटो छापून कसे येतात असा सवाल सुद्धा त्यांनी विचारला.गोरगरिबांचे कामे ही माजीमंत्री बाळासाहेब थोरात यांच्या कार्यालयातूनच होतात. मोठे लोक किंवा ज्यांनी कधी गरिबांना मदत केली नाही असे लोक नवीन लोकप्रतिनिधीकडे जातात. पण गरीब मात्र यशोधन कार्यालयात जातात आणि त्यांना सेवा दिली जाते. आज आमच्या मुलाबाळांना शिष्यवृत्ती मिळाली. भांडे मिळाले हे सर्व यशोधन कार्यामुळे झाले आहे आणि याला साक्ष तालुक्यातील बारा हजार लोक आहेत. त्यामुळे गोरगरिबांसाठी राबवलेल्या योजना या यशोधन कार्यालयाच्या प्रयत्नातूनच झाले असल्याचे त्यांनी म्हटले आहे.